Ishavu riraniga muri Real Madrid…..ngo abahagarikizi nibo bahaye FC BARCELONA ikibanza ca mbere muri LA LIGA

Ikimenyeshamakuru ‘Defensa Central’, kizwi cane mu gushigikira Real Madrid, congeye kuzana impari ku bijanye n’ubutungane muri iyi sezo. Mu cegaranyo kirekire casohoye, cagirije abahagarikizi "gufasha Barcelona" mu buryo bugaragara.

Urwo rubuga ruvuga ko uwo mugwi w’i Catalunya wungukiye ku ngingo nyinshi z’abahagarikizi ziteye amakenga, ari na vyo vyatumye uba uwa mbere ku rutonde, urusha Real Madrid amanota indwi yose.

Nk’uko ico kimenyeshamakuru kibivuga, ngo performances za Barcelona muri iyi sezo zonyene ntizari gutuma iba iri muri ico kibanza iyo hataba "ugufashwa n’abahagarikizii" kumaze imyaka gukorwa.

Ingingo 10 ico kimenyeshamakuru cashize ahabona 

• Rayo Vallecano vs Barcelona: penariti yahawe Barcelona kw’ikosa ryakorewe Lamine Yamal naho VAR yari yagize ikibazo,itariko irakora uwo musi , bituma Barcelona ironka inota.

• El Clásico (Santiago Bernabéu): Umuhagarikizi yafashe ingingo yo kudatanga penariti kw’ikosa Lamine Yamal yari yakoreye Vinícius Júnior, naho iryo kosa ryari rigaragara cane nkuko ico kimenyeshamakuru kibivuga

• Sevilla vs Barcelona: Balde yakoze umupira n'intoke muri mukore umbone, ariko abahagarikizi baravyirengagiza nk'aho ata cabaye.

• Celta Vigo vs Barcelona: Penariti iteye amakenga yahawe Barcelona kw’ikosa ryakozwe na Marcos Alonso, naho atari yakoze k’umukinyi wa Barca canke ngo amukoreko abishaka

• Athletic Bilbao vs Barcelona: Umusifuzi ntiyatanze ikarata itukura kuri Pau Cubarsí inyuma y'aho akoreye nabi cane Williams.

• Elche vs Barcelona: Balde ntiyahaniwe penariti inyuma yo gukorera ikosa Álvaro Rodríguez muri mukore umbone.

• Oviedo vs Barcelona: Joan García ntiyahaniwe penariti kw’ikosa ryakorewe Alberto Reina.

• Rayo Vallecano vs Barcelona: Penariti ya Fermín López kuri Rayo yarirengagijwe

• Sevilla vs Barcelona: Cancelo yahawe penariti zibiri ziteye amakenga mu minota 18 gusa.

• Atlético Madrid vs Barcelona: Umuhagarikizi ntiyeretse ikarata itukura Gerard Martín mu rukino rwabereye ku kibuga Metropolitano.

Urubuga Defensa Central rwasozereye ruvuga ko izo ngingo "zisigura neza" igituma Barcelona iri ku ntebe y’uburongozi. Bavuga ko abasifuzi ba Espagne babandanya guha uwo murwi akaryo udakwiye

kubwawe, uremeranya n’ico kimenyeshamakuru canke ni urwitwazo ?